Ikona e Babastars, Ledri Vula, i cili u largua kohë më parë nga muzika, është parë duke bërë foto me një prej anëtarëve më të shquar të ‘labelit’ TBA, Klepton.
BabaStars dhe TBA njihen për rivalitetin e tyre të madh në skenën e hip-hop muzikës, sidomos pasi këta të fundit mbajtën koncertin e tyre të madh në Stadiumin e Prishtinës.
Fotografitë që ju sjellim më poshtë janë postuar nga Klepto në profilin e tij personal në Facebook, ndërsa në të shihet edhe Ledri, i cili kështu i jep edhe një goditje tjetër relacioneve të tij me anëtarët e BabaStars, nga të cilët u largua pas problemeve në jetën private dhe incidenteve me Noizyn, duke iu përkushtuar karrierës si regjisor.