Rexhep Tajjip Erdogan : do e djegi gjithe Ballkanin ne qofte se mi prekni Shqiptaret

Rexhep Tajjip Erdogan ka kercnuar me shperberje te Maqedonise dhe gjithe Ballkanit nese te drejtat e Shqiptareve nuk merren parasysh.

Kryeministri turk Erdogan ne nje interviste per kanalin shteteror turk deklaron se Turqia do te mbeshtese vellezerit shqiptare nese do jete e nevojshme edhe me trupa ushtarake. Ai shtoi me tej se populli shqiptar ka te drejten e vetevendosjes per krijimin e nje shteti te madh Shqiptar, dhe se UCK nuk eshte organizate rebele terroriste por vullneti i shqiptareve per te mbrojtur trojet e tyre.

Erdogan ka kercnuar me shperberje te maqedonise dhe gjithe ballkanit nese te drejtat e shqiptareve nuk merren parasysh. Ai shtoi se trupat kombetare turke jane ne gadishmeri dhe do ndihmojne shqiptaret.

Rrotullohet një autobus me 65 nxënës

Një autobus me 65 nxënës të shkollës së muzikës “Prenk Jakova”, në Prishtinë është rrokullisur derisa po shkonte në Prevallë.

Një person i pranishëm në vendin e ngjarjes, i cili kishte dalë për t’u ofruar ndihmë, ka thënë për Kosovapress se autobusi me 65 nxënës është rrokullisur derisa po shkonte në Prevallë. Sipas tij, nxënësit të cilët gjendeshin në autobus kanë marrë lëndime, mirëpo janë jashtë rrezikut për jetë.

Dëshmitarët i kanë thënë KTV-së se autobusi që po barte nxënësit ka rrëshqitur nga rruga në një kthesë. Në vendin e aksidentit kanë dalë të gjitha njësitet përkatëse policore të cilat po merren me rastin.

Ndryshe, nxënësit e lënduar, tashmë gjenden në Shtëpinë e Shëndetit në Shterpcë, ku kanë marrë ndihmën mjekësore

Pirateria: Premier League s’do te transmetohet me ne Shqiperi

Transmetuesit shqiptare nuk ftohen ne tender  

Ndeshjet e Premier League nuk do te transmetohen me nga kanalet shqiptare duke nisur nga sezoni i ardhshem.

Lajmi eshte bere i ditur nga e perditshmja britanike “Daily Mail” qe shkruante te dielen se Shqiperia eshte bere vendi i dyte ne bote, se bashku me Korene e Veriut, ku subjektet transmetuese nuk jane ftuar per te marre pjese ne tenderin per ndeshjet e Premier League, me kampionatin me te pasur ne bote qe ka ndermarre masa te forta per te ndalur piraterine.

Marreveshja e re per te drejtat TV ne me shume se 200 vende te huaja do t’i sjelle klubeve te Premier League nje perfitim prej me shume se 2 miliarde paundesh per tre vitet e ardhshme (2013-2016), ndersa pritet te sjelle nje total te ardhurash 5.5 miliarde paundesh kur te firmosen marreveshjet per te drejten TV me transmetuesit vendas te “Sky” dhe “BT”.

Nje pjese e madhe e ketyre parave do te shpenzohet me te shumten per pagat e majme te yjeve si Robin Van Persie, Wayne Rooney, Carlos Tevez apo Demba Ba.

Mirepo, keto marreveshje ruajne vleren e tyre vetem kur pirateria mbahet ne minimumin e mundshem dhe dekoderat e importuar nga Shqiperia jane kthyer ne nje problem te madh ne Britanine e Madhe, ku aktualisht eshte e mundur te shikosh drejtperdrejte ndeshje te Premier League nga kanalet shqiptare.

Per sa kohe drejtuesit e liges nuk ofrojne shitjen e te drejtave TV ne Shqiperi, ky problem eshte i zgjidhur, por tifozet shqiptare te futbollit anglez nuk do te kene mundesi te shikojne ndeshjet e Premier League nga kanalet vendase. E vetmja mundesi eshte qe te marrin dekoderat nga Greqia dhe Maqedonia.

Vendosmeria e drejtuesve te Premier League per te mbrojtur te ardhurat rekord nga te drejtat TV do te tregohet qarte edhe kete jave teksa dy shtetas britanike perballen me denime te mundshme me burg pasi kishin ndertuar nje skeme te guximshme qe u sillte perfitime te majme nga piratimi i ndeshjeve te kampionatit anglez.

Valon Behrami ofendon tifozat Kuqe Zi

Futbollisti me origjine shqiptare i kombetares Zviceriane Valon Behrami, ka bere nje loje te ndyre dhe te turpshme kunder kombetares se kombit te tij, eshte gezuar si i cmendur me fitoren qe ka bere kombetarja zviceriane kunder asaj shqiptare.

Behrami feston, luan per karton te kuq sikur po luante kunder Serbve dhe ne fund ne intervista per mediat europiane provokon :

Nuk jam tradhetar i kam kerkuar tifozeve qe te flas me ta por ata jane te PA KULTURUAR DHE SKANE NIVEL !

Behrami eshte njeri shume i ulet se para disa vitesh i eshte bere ftese nga kombetarja shqiptare dhe ky e refuzoi, ketej thot jam shqiptar e pastaj i ul poshte shqiptaret.

Per me teper shikoni videon e meposhtme

Rrufeja vret një ekip të tërë (VIDEO)

Një nga vdekjet më të çuditshme masive është vdekja e 11 lojtarëve të një skuadre futbolli në Republikën Demokratike të Kongos kur një vetëtimë ra mu në mes të fushës.
Ndërkohë që binte shi dhe moti dukej se po përkeqësohej po zhvillohej ndeshja mes Bena Tshadi dhe skuadrës vizitore Basanga në lindje të provincës së Kasai-t. Pikërisht kur tabela shënonte rezultatin 1 me 1 një vetëtimë goditi mu në mes të fushës. 11 lojtarët e skuadrës vizitore vdiqën të gjithë.
30 njerëz të tjerë pësuan dëmtime, sidomos djegie, ndërsa asnjë nga lojtarët e skuadrës vendase nuk pësoi as dëmtimin më të vogël.

Elbasan, dasma kthehet në tragjedi, vritet me thikë 56-vjeçari

ELBASAN – Një ceremoni martesore është kthyer në një tragjedi, pasditen e sotme në Elbasan. Burime nga policia bëjnë të ditur se një person është vrarë me thikë, gjatë një dasme në fshatin Jagodinë të Elbasanit. 

Mësohet se viktima është 56-vjeçari Pëllumb Beleku nga Cerma e Lushnjës, ndërkohë që autori i ngjarjes dyshohet fqinji i të zotit të dasmës, Blerim Esja. 

Sipas hetimeve paraprake, dyshohet se ngjarja ka ndodhur pas një sherri për motive banale mes dasmorëve, teksa ishin nën efektin e alkoolit. 

Në përpjekje për të ndarë autorin dhe viktimën, kanë mbetur të plagosur edhe dy dasmorë të tjerë, Mariglen dhe Edmond Dushku. Ata janë transportuar në spitalin rajonal, prej ku mësohet se janë jashtë rrezikut për jetën. 

Në vendngjarje mbërriti menjëherë policia dhe rrethoi një banesë në fshat, ku mendohet se është fshehur autori i ngjarjes. 

Pse u refuzua prefiksi per Kosoven?

Agjencia e specializuar e OKB në fushën e teknologjive të informacionit ka rrezuar shanset e Kosovës për të marrë prefiksin e Shqipërisë 355, siç u votua përmes një rezolute te Kuvendit të Kosovës. Sekretari i Përgjithshëm i Bashkimit Ndërkombëtar të Telekomunikacioneve, Hamadoun Toure, tha gjate një konference me kryeministrin Berisha ne Tirane, se prefiksi ndryshohet, kur një vend njihet nga OKB-ja. “Kodet përcaktohen nga Bashkimi Ndërkombëtar i Telekomunikacioneve dhe do të ishte një precedent serioz nëse një parlament kombëtar vendos të përdorë një kod nga një vend tjetër. Kur vendi njihet nga Kombet e Bashkuara, atëherë ne vendosim t’i japim këtij vendi kodin. Ky kod jepet dy orë pas deklarimit të Kombeve të Bashkuara. Ne përgatitemi teknikisht për këtë dhe e bëjmë që të shmangim çështjet politike nga ato teknike. Ne nuk jemi organizatë politike dhe si e tillë ia kemi dalë të funksionojmë edhe gjatë luftërave botërore dhe Luftës së Ftohtë,” u shpreh Toure. Kryeministri Sali Berisha u shpreh parimisht dakord me vendimin e parlamentit te Kosovës por shtoi se nuk njihte efektet financiare te tij. “Jam në parim plotësisht dakord. Ideja është e shkëlqyer. Duhet të konsultohem me ekspertët e fushës edhe të financave. Nuk e di nëse në rrafshin financiar Kosovës i krijon shmangie, duhet të studiohet gjerësisht, por në parim jam absolutisht dakord,” tha Berisha. Një dite me pare, parlamenti i Kosovës votoi pro marrjes se prefiksit te Shqipërisë, duke zëvendësuar ato aktuale, te Serbisë, Sllovenisë dhe Monakos.

Greqia s'ndryshon qëndrim për Kosovën

Greqia nuk do të ndryshojë qëndrim për mosnjohjen e pavarësisë së Kosovës, ka deklaruar të enjten ambasadori grek në Beograd, Dimostenis Stoidis.

Gjatë bisedës me kryetarin e Kuvendit të Serbisë, Nebojsha Stefanoviq, Stoidis ka thënë se Athina do të bëjë gjithçka që rruga e mbetur e Serbisë drejt Bashkimit Evropian, "të kalojë me sukses".

Diplomati grek po ashtu ka thënë se Greqia inkurajon Serbinë për të vazhduar bisedimet me Prishtinën.

Stefanoviq, nga ana e tij, ka thënë se Serbia nuk do të ndryshojë politikën ndaj Kosovës dhe nuk do të njohë kurrë pavarësinë e saj, ndonëse “është e hapur për dialog me të”.

Greqia, së bashku me Sllovakinë, Rumaninë, Qipron dhe Spanjën, janë pesë vendet e Bashkimit Evropian që nuk e njohin shtetësinë e Kosovës.

Shqipëria nuk pranon që Kosova të përdor kodin e saj telefonik ?

Ligjvënësit me shumicë votash kanë miratuar Projektrezolutën lidhur me përdorimin e tri kodeve të huaja telefonike në Kosovë. Me këtë rezolutë parashihet që Kosova të shfrytëzoj kodin telefonik të Shqipërisë +355 dhe jo atë të Serbisë +381, të Monakos +377 dhe të Sllovenisë +386.

Por burime të Kosovapress, brenda Ministrisë së Zhvillimit Ekonomik kanë bërë të ditur se kjo ministri ka kërkuar një gjë të tillë nga organet kompetente shqiptare, por që nuk kanë gjetur mirëkuptim.

Se shteti shqiptar nuk është shumë e interesuar për këtë çështje është edhe fakti të cilin e përmend deputeti i PDK-së, Zenun Pajaziti, i cili tha në seancë se në Shqipëri këto ditë po mbahet një konferencë, ku është prezent edhe ITU-ja, por institucionet e Kosovës nuk janë ftuar.

Ai madje ka kërkuar nga institucionet e vendit që të shkojnë edhe pa ftesë vetëm që të marrin pjesë dhe të bisedojnë me zyrtarët e ITU-së.

Ndërkohë, burime të Agjencisë Lajmeve Kosovapress bëjnë të ditur brenda Ministrisë Zhvillimit Ekonomik se ka pas konsulta për këtë çështje, por shteti shqiptar nuk ka shpreh gatishmëri që Kosova të ketë kodin telefonik +355.

“Kemi dërguar letër ministrit të Telekomunikacionit qysh moti, por nuk na ka kthyer kurrfarë përgjigje për këtë çështje. Nuk janë duke shprehur interesim as ata me bashkëpunuar me neve në lidhje me kodin telefonik”, ka thënë burimi.

Deputeti i Lëvizjes për Bashkim, Agim Kuleta, në një prononcim për Kosovapress ka thënë se nuk duhet të paragjykohet në lidhje për këtë çështje pa pasur një hap të bisedimet mes dy qeverive.

Kosova me kod telefonik kombëtar +355

Deputetët e Kuvendit të Kosovës, me shumicë votash (47 për, 9 kundër dhe 2 abstenim) të enjten miratuan Rezolutën e paraqitur nga, deputeti i Lëvizjes për Bashkim, Agim Kuleta. Sipas Rezolutës së miratuar, Qeveria e Republikës së Kosovës duhet të marrë vendim për zëvendësimin e kodeve telefonike aktuale, që i shfrytëzon Kosova (+377, +381 dhe +386) me kodin telefonik të Republikës së Shqipërisë +355.

Me këtë hap Kosova dhe qytetarët e saj do të përfitojnë shumë si në aspektin politik, ekonomik, po ashtu edhe në aspektin e sigurisë.

Deputeti Kuleta ka thënë gjatë prezantimit të rezolutës në Kuvend se kjo është në përputhje me Kushtetutën e Republikës së Kosovës. “Duke qenë se lëvizjet e shumta të qytetarëve të Republikës së Kosovës në Republikën e Shqipërisë dhe anasjelltas kanë bërë që intensiteti i komunikimit midis tyre përmes rrjetit telefonik të rritet, ndërkohë që kostoja e këtij komunikimi, për shkak të kodeve të ndryshme, është shumë e lartë”, theksohet ndër të tjera në rezolutë.

Po ashtu theksohet se Qeveria e Republikës së Kosovës, duhet të marrë vendim për zëvendësimin e kodeve telefonike aktuale që i shfrytëzon Kosova (+377, +381 dhe +386) me kodin telefonik të Republikës së Shqipërisë +355

Viti i ri shkollor në Kosovë më ....

Prishtinë, 23 gusht - Zyrtarë të Ministrisë së Arsimit, thonë se janë bërë të gjitha përgatitjet që mësimi të fillojë suksesshëm nga kjo datë. Mbi një mijë objekte shkollore në mbarë vendin janë të gatshme për procesin mësimor. 

Të gjitha shkollat e vendit do të hapin dyert më 3 shtator për të pritur nxënësit, të cilët do të vijojnë mësimin fillor dhe të mesëm. Këshilltari në Ministrinë e Arsimit, Ragip Gjoshi, tha për Radio Kosovën, se janë bërë të gjitha përgatitjet, për të filluar mbarë ky vit i ri shkollor. 

Ai tha se gjatë muajit shtator do të përurohen objekte të reja shkollore, të cilat do të jenë të gatshme për të pritur nxënësit për vitin shkollor 2012-2013. 

“Për 1 mijë e 7 shkolla zilja do të cingëroj dhe do t’i gjejë të përgatitura. Shpresojmë që 5 deri 6 shkolla do të jenë gjatë shtatorit të gatshme për t’u përuruar për vogëlushët tanë. Megjithatë janë në vijim edhe 36 objekte të tjera, të cilat pritet që për vitet e ardhshme të jenë të gatshme”, tha ai.

Gjoshi tha se Qeveria e Kosovës ka ndarë rreth 7 milion euro për shpërndarjen e librave falas për nxënësit nga klasa e parë deri në të nëntën. Ai tha se tashmë librat janë shpërndarë me kohë në të gjitha shkollat e vendit. 

“Tekstet shkollore mbi 95 për qind janë shpërndarë nga Libri Shkollor dhe nga kompania Dukagjini. Tekstet tani shpërndahen shkollë më shkollë dhe jo si më parë vetëm në drejtoritë komunale”, theksoi Gjoshi.

Ndërkohë, për vitin shkollor 2012-2013 janë regjistruar në klasë të parë mbi 29 mijë nxënës, të cilët do ta fillojnë mësimin me Abetaren e unifikuar. 

Shkupi feston 100 vjetorin e çlirimit

Komuna e Çairit në bashkëpunim me Institutin për Trashëgimi Shpirtërore dhe Kulturore dhe shoqatën studentore Dardania sot po shënojnë 100 vjetorin e Çlirimit të Shkupit.

Në Shtëpinë Memoriale të Nënës Terezë u zhvillua meshë në gjuhën shqipe për nder të Kolë Bojaxhiut, babait të Nënë Terezës, themelues i korit “Zani i Maleve”.

Posta e Maqedonisë tek Libraria e Çarshisë promovoi pullën postare “Zani i Maleve”, ndërsa në mbrëmje në organizim të Shoqatës së Motoristëve “Dardanians MC” nga Shkupi mbahet defile e anëtarëve të familjeve kryengritëse të cilët do u ndalen te sheshi Skënderbeu për të vijuar me një iftar të hapur te Xhamia e Murat Pashës në orën 19 e 45, raporton ina.

“Organizojmë këtë festë për nder të 100 vjetorit të çlirimit të Shkupit, ku po ashtu do të nderojnë familjet, trashëgimtarët e familjeve që kanë bërë çlirimin e Shkupit, siç është familja e Hasan Prishtinës, Bajram Currit, Isa Boletinit dhe shumë familje të tjera dhe duke përfunduar ku do të përfshihen diku 30 familje që janë të veçuara për kontributin e tyre kombëtar në këtë 100 vjetor dhe për të cilët ne u jemi mirënjohës dhe do t’ju ndajmë mirënjohje”, tha ditë më parë kryetari i Komunës Çair, Izet Mexhiti.

Manifestimi në nder të 100 vjetorit të çlirimit të Shkupit do të përmbyllen me një koncert madhështor, ku do të marrin pjesë këngëtar të njohur shqiptar

12 vjeçarja vdes duke ndezur kompjuterin

Një vajzë e moshës 12 vjeçare Alessia Musso, vdiq e goditur nga një shok elektrik ndërsa po tentonte të ndizte kompjuterin.

Ngjarja e rëndë ndodhi në Palermitano të Italisë, ku e mitura ishte në shtëpinë e disa miqve.

12 vjeçarja u transportua me urgjencë në spital por pa rezultat.

Sipas policisë thuhet se vajza ka futur spinën në prizë ndërkohë që ishte ende e lagur pasi sapo ishte kthyer nga plazhi.

Prindërit e të miturës nuk ishin në kohën e aksidentit, ndërsa u tronditën rëndë pas lajmit të marrë.

Gjithsesi lidhur me këtë vdekje të beftë policia ka nisur hetimet për të hedhur dritë mbi këtë ngjarje.

Për t’i “nxjerrë djallin nga trupi”, i marrin jetën 3 vjeçares

Një vajzë 3-vjeçare u vra gjatë një rituali ekzorcizmi (nxjerrja e djallit nga trupi), nga prindërit dhe të afërmit në një qytet në veri të Malajzisë.

Policia arrestoi 7 persona të cilët dyshohet se kanë marrë pjesë në ceremoni ekzorcizmi, në shtëpinë e prindërve të fëmijës, në qytetin Boukit, 280 km në veri të Kuala Lumpurit.

Të arrestuarit dyshohet se e shtypën trupin e vajzës së vogël me trupat e tyre “për të shmangur frymërat e liga”. Policia tha 3-vjeçarja vdiq nga asfiksia.

Prindërit, një gjyshe, një xhaxha, dy kushërinj të viktimës dhe një vajzë indoneziane u arrestuan dhe do të gjykohen për vrasje me dashje.

Emigrantët kthehen për pushime, mbetet i lartë fluksi në pikat kufitare

KORCE/GJIROKASTER - Mbetet i lartë fluksi i emigrantëve që kthehen në Atdhe për pushime, nga pikat kufitare të Kakavijës dhe Kapshticës.

Sipas të dhënave të policisë, rezulton se në 24 orët e fundit në Kakavijë kanë hyrë 6613 persona me 1907 mjete, ndërkohë që kanë dalë 2937 persona me 702 mjete. Në pikën kufitare të Kakavijës, në Gjirokastër, pala shqiptare punon me 8 sportele, 4 në hyrje dhe 4 në dalje, ndërsa pala greke punon me 3 sportele në hyrje dhe 3 në dalje. Sipas policisë, sot situata paraqitet normale.

Ndërkohë nga pika kufitare e Kapshticës në Korçë, në 24 orët e fundit kanë hyrë 5107 persona me 1364 mjete. Pala shqiptare punon me 8 sportele, ndërsa pala greke me 4 të tilla.

Kapet mat duke i vënë eksploziv antenës televizive

Policia e Ersekës vuri në pranga një 28-vjeçar dhe shpalli në kërkim një tjetër person, pasi u zbuluan teksa po shkatërronin me lëndë eksplozive një antenë të valëve televizive të Televizionit Publik.

28-vjeçari Edvin Etem Beqo banues në fshatin Mbreshtan-Ersekë u kap në vepër duke i vënë eksplozivin një antene përsëritëse të valëve televizive për ta vjedhur e më pas për ta shitur, raporton agjencia e lajmeve NOA.al.
Në momentin e kapjes Edvin Beqo kishte me vete 3.2 m fitil zjarr përcjellës.
Ai po e kryente këtë vepër në bashkëpunim me 22-vjeçarin me iniciale A.J, i cili u largua menjëherë nga vendngjarja dhe është shpallur në kërkim.
I arrestuari është nën akuzë për “Shkatërrim të pronës”, “Prodhim dhe mbajtje pa leje e armëve dhe municioneve luftarake” dhe “Vjedhje”.

Vajza me 2kg kokaine ne bark

Brazil - Policia braziliane ka ndaluar nje femer qe transportonte 2kg kokaine ne nje bark fallco per te dhene idene e nje gruaje shtatzane. Vajza 20 vjecare e ka pranuar qe transportonte droge menjehere kur policia e ndaloi pasi vune re nje lloj irritimi gjate kontrollit rutine ne aeroport. Jashte aeroportit, vajzen po e priste nje 24 vjecar ne nje taksi per te marre vajzen dhe drogen qe ajo kishte fshehur ne barkun e saj.



Ky rast eshte nje nder te shumtit raste sa te cuditshme por edhe qesharake te personave te ndryshme qe kerkojne te transportojne droge ilegalisht per te kaluar doganen ose kontrollin ne aeroport

Berisha: Ta shndërrojmë Shqipërinë në superfuqi dixhitale

Tiranë -Kryeministri Sali Berisha deklaroi sot, gjatë konferencës “Integrimi i teknologjise së informacionit dhe komunikimit”, organizuar në Hotel Sheraton, se arsimi dixhital mbetet një nga përparësitë kryesore për qeverinë. Berisha theksoi se vetëm duke e vendosur ekonominë e këtij vendi mbi bazat e dijes do të mund të kapim kohën e humbur, dhe do të mund të qëndrojmë në horizontet e zhvillimit.

“Qeveria zgjodhi Shqipërinë dixhitale si një nga dy objektivat më madhore për t’u realizuar dhe për ta vendosur edukimin dixhital në hallkën më të rëndësishme të kësaj platforme. Ne vijmë më të vendosur se kurrë për shndërrimin e këtij vendi në një vend dixhital”, u shpreh Kryeministri Berisha.
Ai u shpreh se qëllimi i këtij viti, mbetet pajisja e çdo klase me internet. “Këtë vit do të fillojmë internetin në çdo klasë, me qëllim që Shqipëria të shndërrohet dora-dorës në një superfuqi rajonale të softeve dhe produkteve të kësaj fushe”, deklaroi ai. Duke folur për arsimin universitar, Kreu i Qeverisë u shpreh se duhet bërë gjithçka që të aplikohen provimet dixhitale.
“Të bëjmë gjithçka për të shtrirë provimet dixhitale në shkollat tona të larta. Cilësia mbetet qëllimi ynë kryesor në arsim”, tha Berisha. Ai bëri të ditur se synimi i ardhshëm i qeverisë është të shndërrojë Shqipërinë në një superfuqi të vogël rajonale të softeve dhe produkteve të kësaj fushe.
“Këtë vit ne do të bëjmë një hap të madh, internet në çdo klasë. Qëllimi është të ndezim një garë në të gjithë sistemin arsimor në këtë fushë që Shqipëria të shndërrohet në një superfuqi të vogël rajonale edhe të softeve dhe produkteve të kësaj fushe. Zoti ministër, kërkoj të shtrihet lënda e programimit në afatet më të hershme që kërkon në ndonjë vend. Të përcaktojmë një seri stimujsh konkretë për të shpërblyer programet dhe softet e nxënësve dhe studentëve”, theksoi Kryeministri Berisha, ndërsa shtoi se Shqipëria duhet të kalojë tek ajo që ai e quajti si “i Qytetari”.
Kreu i qeverisë tha se duhet të bëjmë gjithçka për të krijuar stimuj konkretë për sipërmarrjen e inovacionit, e cila është në tërësinë e saj atribut i moshës së shkollarëve dhe passhkollarëve, ndërsa shtoi se duhet të ridimensionojmë aftësitë programuese të nxënës.